Performanca sportive dhe regjimi ushqimor

AKTIVITETI FIZIK DHE SHËNDETI
Typography

Sa e rëndësishme është mënyra e të ushqyerit për njerëzit që stërviten si në mënyrë amatore ashtu dhe profesionale?
Një performancë sportive maksimale mund të arrihet përmes dietës (regjimit ushqimor) duke i siguruar organizmit substancat e përshtatshme për prodhimin e energjisë por njëkohësisht edhe mineralet dhe elementët e tjerë të rëndësishëm.

Për fat të keq, shumë atletë për të rritur performancën e tyre mbështeten në përdorimin e tepruar të shtesave ushqimore por në përgjithësi edhe në sigurimin e burimeve të gabuara të energjisë të cilat paraqesin rreziqe të shumta.

Shkurtimisht, nevojat e një atleti për lëndë ushqyese përmblidhen si më poshtë:

Karbohidratet
Karbohidratet përbëjnë burimin kryesor të energjisë së trupit të njeriut.

Vakti i propozuar menjëherë pas trajnimit: banane ose një frut tjetër dhe 3 biskota (nga miell i pasitur, të tipit digestive)

 

Proteinat:
Sasia e rekomanduar e proteinave ndryshon me llojin e atletit.

Burim i mirë proteinash janë vezët, pula, mishi i viçit dhe peshku. Duhet të theksohet se marrja e proteinave duhet të reduktohet në çdo vakt të konsumuar në orën e fundit para ndeshjes, veçanërisht nëqoftëse ajo përfshin një stërvitje intensive.

 

 Uji dhe mineralet:

Rol të rëndësishëm në performancën e një atleti luan edhe hidratimi i trupit. Nuk duhet të harrojmë se gjatë djersitjes ndodh humbja e lëngjeve dhe kriprave të cilat duhet të zëvendësohen menjëherë.

Tek njerëzit të cilët stërviten dhe nuk ushqehen si duhet, mund të shfaqen probleme të ndryshme si:

 * Lodhje
* Dobësi
* Dhimbje të muskujve,
* Dhimbje barku, anemi,
* Hypoglycemi,
* hyponatremia, e të tjera.

Për të shmangur problemet e mësipërme, atletët këshillohen të pinë lëngje në sasi


6-8 ml / kg peshë trupore, 3-5 minuta para fillimit të aktivitetit.

Për shembull (60-80ml çdo 3-5 minuta për persona 100 kg) dhe pastaj të pinë sasi më të vogla.

 

2-3ml / kg peshë trupore, përafërsisht çdo 15-20 minuta.

Për shembull (20-30ml çdo 15-20 minuta për persona 100 kg)

 

Pija hidratuese më e preferuar gjatë aktivitetit: Në një shishe holloni lëng natyral frutash me ujë të pasur me minerale  (në sasi të barabarta) dhe tretni një multivitamin e cila të përmbajë edhe komplekse metalesh ( e tipit multivatamin-multimineral).

Si përfundim, ata që stërviten, mund të përmirësojnë performancën e tyre duke bërë ndryshime të vogla në dietën e tyre, pas konsultimit edhe me një specialist duke shmangur shtesat e rrezikshme ushqimore dhe teknikat e gabuara që propozohen nga kompanitë e pa specializuara të shtesave ushqimore.